2013թ. հունիսի 1-ին, Հայաստանի Հանրապետությունում Ուկրաինայի դեսպան Իվան Կուխտան հանդիպում անցկացրեց Հայաստանի Հանրապետության Գլոբալիզացիայի և տարածաշրջանային համագործակցության վերլուծական կենտրոնի տնօրեն Սուրեն Գրիգորյանի հետ:
Հանդիպման ընթացքում Դեսպանը տեղեկացրեց զրուցակցին 2013թ. մայիսի 31-ին Մինսկում ԱՊՀ կառավարությունների ղեկավարների խորհրդի հանդիպման ժամանակ Եվրասիական տնտեսական հանձնաժողովի և Ուկրաինայի միջև համագործակցության խորացման հուշագրի ստորագրման մասին:
Կայացավ մտքերի փոխանակում Հայաստանի Եվրամիության հետ համագործակցության վերաբերյալ «Արևելյան գործընկերության» ծրագրի շրջանակում: