Հայաստանի Հանրապետությունում գտնվում է Ուկրաինայի Գերագույն Ռադայի ԵԽԽՎ-ում մշտական պատվիրակությունը Ի.Վ.Պոպեսկուի նախագահությամբ
31 May 2013 17:13
2013թ. մայիսի 30-31-ը ք. Երևանում տեղի է ունեցել Եվրոպայի խորհրդի խորհրդարանական վեհաժողովի Բյուրոյի եւ ԵԽԽՎ մշտական հանձնաժողովի նիստերը: Այդ նպատակով եռօրյա այցով Հայաստան է ժամանել ԵԽԽՎ նախագահ Ժան-Կլոդ Մինյոնը և Ուկրաինայի Գերագույն Ռադայի ԵԽԽՎ-ում մշտական պատվիրակության նախագահ Ի.Վ.Պոպեսկուն:
Նիստերի ընթացքում, որոնք անցնում էին ԵԽԽՎ նախագահ Ժան-Կլոդ Մինյոնի, ՀՀ Ազգային ժողովի նախագահ Հովիկ Աբրահամյանի և ՀՀ արտաքին գործերի նախարար Էդվարդ Նալբանդյանի մասնակցությամբ, քննարկվում էին ԵԽ Խորհրդարանական Վեհաժողովի գործունեության արդիական հարցերը:
«Ժողովրդավարության ամրապնդման, մարդու հիմնարար իրավունքների ու ազատությունների հետեւողական պաշտպանության հանձնառությունը խարսխված է Հայաստանի իշխանությունների խորը գիտակցված համոզմունքի վրա: Այդ նույն հանձնառությամբ է պայմանավորված նաև Հայաստանի Հանրապետության պատրաստակամությունը աջակցելու Եվրոպայի խորհրդի Գլխավոր քարտուղարի նախաձեռնած բարեփոխումների հավակնոտ ծրագրի իրականացմանը, որի նպատակն է Եվրոպայի խորհրդի դերակատարության և արդյունավետության բարձրացումը»,- նշեց Հովիկ Աբրահամյանը:
