2025 թվականի սեպտեմբերի 1-ին Երևանի արևմտաուկրաինական ազգային համալսարանի (ԱՈՒԱՀ) ուսումնագիտական ինստիտուտում հանդիսավորությամբ մեկնարկեց նոր ուսումնական տարին:

Ինստիտուտի տնօրեն պարոն Սահակ Ղուդրաթյանի և պրոֆեսորադասախոսական կազմի հրավերով գիտելիքի օրվա կապակցությամբ տոնական միջոցառումներին մասնակցեց Հայաստանի Հանրապետությունում Ուկրաինայի դեսպանության ներկայացուցիչ` հյուպատոսական ստորաբաժանման ղեկավար Մաքսիմ Լազարենկոն:

Իրենց շնորհավորական խոսքում ինստիտուտի տնօրենը և դեսպանության դիվանագետը ջերմորեն շնորհավորեցին ուսանողներին և դասախոսներին նոր ուսումնական տարվա մեկնարկի կապակցությամբ, հաջողություններ մաղթեցին գիտելիքներ ձեռք բերելու, գիտական և ստեղծագործական մտահղացումների իրականացման, ինչպես նաև միջազգային կրթական նախագծերի զարգացման գործում, որոնք կնպաստեն Ուկրաինայի և Հայաստանի միջև առավել սերտ համագործակցությանը:

Առանձին նշվել է, որ ԱՈՒԱՀ գործունեությունը Երևանում կարևոր կրթական և մշակութային կամուրջ է, որը միավորում է ուկրաինացի և հայ երիտասարդներին՝ նպաստելով Հայաստանում Ուկրաիներեն լեզվի և մշակույթի տարածմանը: