Հայաստանի Հանրապետությունում Ուկրաինայի դեսպանատունը պատիվ ունի տեղեկացնել, որ համաձայն Ուկրաինայի Նախագահի ընտրությունների վերաբերյալ Ուկրաինայի օրենքի 17-րդ հոդվածի, Ուկրաինայի Նախագահի հերթական ընտրությունը տեղի կունենան 2019 թվականի մարտի վերջին կիրակի օրը:
Ուկրաինայի Նախագահի ընտրությունը նշանակվում է Ուկրաինայի Գերագույն Ռադայի կողմից համապատասխան բանաձևի ընդունման միջոցով:
Ուկրաինայի Գերագույն Ռադան Ուկրաինայի Նախագահի հերթական ընտրությունը նշանակում է ընտրության օրվանից ոչ ուշ, քան հարյուր օր առաջ: Ուկրաինայի Գերագույն Ռադան ապահովում է զանգվածային լրատվության միջոցներում հերթական նախագահական ընտրությունների նշանակման մասին որոշման հրապարակումը:
Ուկրաինայի Նախագահի հերթական ընտրությունների համար ընտրական գործընթացը սկսվում է քվեարկության օրվանից 90 օր առաջ: Կենտրոնական ընտրական հանձնաժողովը որոշում ընդունելու միջոցով հայտարարում է ընտրական գործընթացի սկիզբը՝ քվեարկության օրվանից ոչ ուշ, քան իննսունմեկ օր առաջ: