2014թ. հուլիսի 11-ին, Հայաստանի Հանրապետությունում Ուկրաինայի դեսպան Իվան Կուխտան հանդիպեց Հայաստանի Հանրապետության Ազգային ժողովի «Բարգավաճ Հայաստան» խորհրդարանական խմբակցության նախագահ` Գ. Ծառուկյանի հետ, որի ընթացքում քննարկվել են Ուկրաինայի և Հայաստանի Հանրապետության երկկողմ համագործակցությունները` քաղաքական, տնտեսական, մշակութային և հումանիտար ոլորտներում:
Հանդիպման սկզբին Ուկրաինայի Դեսպանը շնորհակալություն հայտնեց Գ. Ծառուկյանին, որ իր անմիջական ֆինանսական աջակցությամբ անցյալ տարվա մայիսին Երևանում տեղադրվեց Տարաս Շևչենկոյի հուշարձանը:
Հիմնական ուշադրությունը կենտրոնացված էր Հայաստանի Ազգային ժողովի և Ուկրաինայի Գերագույն Ռադայի միջխորհրդարանական համագործակցության վրա, մասնավորապես, համագործակցություն խորհրդարանական բարեկամության խմբերի շրջանակներում: