Ուկրաինա-հայկական համագործակցության ներկա վիճակը քննարկելու նպատակով Հայաստանի Հանրապետությունում Ուկրաինայի դեսպան Իվան Կուխտան հանդիպում անցկացրեց Հայաստանի Հանրապետության արտաքին գործերի նախարար Էդվարդ Նալբանդյանի հետ:

Հանդիպման ընթացքում կողմերը շեշտեցին իրենց մտադրությունն ակտիվորեն զարգացնել երկկողմ փոխշահավետ համագործակցությունը քաղաքական, առևտրատնտեսական, հումանիտար և այլ ոլորտներում:

Հայաստանի ԱԳՆ-ի Ղեկավարը և Ուկրաինայի դեսպանն ընդգծել են անհրաժեշտությունը պահպանել ամենաբարձր մակարդակով հանդիպումների առկա դինամիկան, խթանել քաղաքական երկխոսությունը և երկու երկրների միջև առևտրատնտեսական համագործակցության ակտիվացումը:

Իր հեռթին Էդվարդ Նալբանդյանը ներկայացրեց Հայաստանի և միջազգային հանրության ջանքերը՝ ուղղված Լեռնային Ղարաբաղի հակամարտության խաղաղ կարգավորմանը:

Ուկրաինայի դեսպանը նշել է, որ ԵԱՀԿ ուկրաինական նախագահությունը սատարում է ղարաբաղյան հիմնախնդրի խաղաղ կարգավորմանը և այդ ուղղությամբ ԵԱՀԿ Մինսկի խմբի համանախագահների գործադրվող ջանքերին:

Կողմերը նաև հույս հայտնեցին, որ Հայաստանի արտգործնախարարության Ղեկավարի մասնակցությունը ՍԾՏՀ անդամ պետությունների արտգործնախարարների խորհրդի հաջորդ նիստում, որը տեղի կունենա ս.թ. հունիսի 20-21-ը ք.Օդեսայում, կնպաստի երկկողմ հարաբերությունների ողջ սպեկտրի ընդլայմանը, հատկապես տնտեսական համագործակցությանը` ոչ միայն այս կազմակերպության շրջանակներում, այլ նաև երկկողմ մակարդակի վրա: