Միջոցառմանը ներկա էին ՀՀ պաշտպանության նախարար Ս. Հովհաննիսյանը, Ականազերծման գործողության շվեյցարական հիմնադրամի (Swiss Foundation for Mine Action) հայաստանյան ծրագրի ղեկավար Վ. Ֆաբրոնին, Հայաստանի Հանրապետության Արտաքին գործերի նախարարության ղեկավարությունը, Հայաստանում հավատարմագրված դիվանագիտական առաքելությունների ղեկավարները, Տավուշի, Վայոց Ձորի և Սյունիքի մարզերի մարզպետները, ինչպես նաև հայ հասարակական կազմակերպությունների ներկայացուցիչները:
Քննարկման ընթացքում հատուկ ուշադրության են արժանացել ականազերծման գործողություններում հումանիտար կարողությունների զարգացման, ականապատ տարածքների քարտեզագրման, հատուկ տեխնիկայի, այդ թվում` ականազերծման աշխատանքների նպատակով թռչող անօդաչու սարքերի կիրառման, ինչպես նաև միջազգային այլ դոնոր-կազմակերպությունների հետ համագործակցությունը հեշտացնելու նպատակով հոգաբարձուների խորհրդի ստեղծման հարցերը: