2025 թվականի հոկտեմբերի 31-ին ՀՀ-ում Ուկրաինայի դեսպանատանը տեղի է  ունեցել համակարգող հանդիպում՝ ուկրաինական համայնքի ներկայացուցիչների և Արևմտյան Ուկրաինայի ազգային համալսարանի Երևանի կրթագիտական ինստիտուտի ղեկավարության մասնակցությամբ: Հանդիպման ընթացքում քննարկվեցին դիվանագիտական հաստատության և Հայաստանում ուկրաինացիների հասարակական միավորումների հետագա համագործակցության, Ուկրաինայի քաղաքացիներին աջակցելու ջանքերի համախմբման, ինչպես նաև համատեղ մշակութային, կրթական և տեղեկատվական միջոցառումների կազմակերպման հարցեր: Հատուկ ուշադրություն դարձվեց ազգային ինքնության պահպանման և ուկրաինական մշակույթի տարածման հարցերին: Հանդիպումն անցավ կառուցողական և բարեկամական մթնոլորտում, կողմերը հաստատեցին իրենց պատրաստակամությունը հետագա փոխգործակցության և Հայաստանում ուկրաինական համայնքի ամրապնդմանն ուղղված նախաձեռնությունների համատեղ իրականացման համար: