Հոկտեմբերի 26-ին, Սպենդիարյանի տուն-թանգարանի դահլիճում կայացավ «Ուկրաինական երգերը Սպենդիարյանի մշակումներում» խորագրով համերգը, որը ջերմ մթնոլորտում մեկտեղեց Հայաստանում Ուկրաինայի գործերի ԺՀ Դենիս Ավտոնոմովին, ուկրաինական համայնքի ներկայացուցիչների, ականավոր երգիչների, պրոֆեսորների և երաժշտասերների: Այս յուրատեսակ մշակութային հանդիպման առիթն անդրադարձն էր տասնյակ ուկրաինական երգերի և զուգերգերի, որոնք Սպենդիարյանի հմուտ ձեռքով վերածվել են իսկական արվեստի գործերի: Տուն-թանգարանի գլխավոր ֆոնդապահի ԺՊ Աստղիկ Հարությունյանը ներկայացրեց Սպենդիարյանի դերն ուկրաինական երաժշտության մշակման գործում, իսկ Տերնոպոլի տնտեսագիտական համալսարանի երևանյան մասնաճյուղի դասախոս Դիանա Բաբայանն ապահովեց միջոցառման տեքստերի ուկրաիներեն թարգմանությունը: Համերգային բացառիկ ծրագիրը ներկայացրին մեներգիչներ Լիաննա Վարդանյանը, Նարինե Անանիկյանը, Մկրտիչ Մկրտչյանը՝ Կարինե Հովհաննիսյանի նվագակցությամբ: Համերգը պատմական էր, քանի որ 10-ամյակներ անց կոմպոզիտորի բարձրարժեք մշակումները երաժշտական կյանք ստացան և 1-ին անգամ կատարվեցին տուն-թանգարանում: Լուսանկարները՝ Գևորգ Մաթևոսյանի