Ս.թ. հունիսի 15-ին, Հայաստանի Հանրապետությունում Ուկրաինայի դեսպան Իվան Կուխտան մասնակցեց ՀՀ արտաքին գործերի նախարար Էդվարդ Նալբանդյանի հնդիպմանը Հայաստանում հավատարմագրված ԵԱՀԿ անդամ երկրների դեսպանների հետ:
Հանդիպմանը քննարկվեցին ԵԱՀԿ գործող նախագահ Իվիցա Դաչիչի՝ տարածաշրջան այցի արդյունքները, ԵԱՀԿ օրակարգային հարցերը:
Ղարաբաղյան հիմնախնդրի կարգավորման գործընթացին անդրադառնալիս Էդվարդ Նալբանդյանը կարևորեց ԵԱՀԿ գործող նախագահ Իվիցա Դաչիչի հանդիպումը Արցախի Նախագահ Բակո Սահակյանի հետ՝ ընդգծելով, որ ուղիղ շփումները հնարավորություն են ընձեռում առավել օբյեկտիվ և անաչառ պատկերացում կազմել իրավիճակի մասին։
Նախարար Նալբանդյանը բարձր գնահատեց ԵԱՀԿ երևանյան գրասենյակի գործունեությունը: