2014թ. հոկտեմբերի 8-ին, Հայաստանի Հանրապետությունում Ուկրաինայի դեսպան Ի.Կուխտան մասնակցեց «Կառավարության և կառավարման կարողությունների զարգացում հանուն կայուն զարգացման» միջազգային եռօրյա խորհրդաժողովին, որը կազմակերպվել է ՄԱԿ-ի «Հետ-2015» զարգացման նոր օրակարգի շրջանակում ՄԱԿ-ի տնտեսական և սոցիալական զարգացման դեպարտամենտի կողմից:

Վերոնշված խորհրդաժողովին մասնակցում էր Ուկրաինայի ֆինանսների նախարարության պատվիրակությունը:

Խորհրդաժողովի հիմնական նպատակն է` քննարկել ՄԱԿ-ի զարգացման նոր ծրագրի իրականացման եղանակները և բացահայտել արդյունավետ կառավարման նոր ուղիներ: Միջոցառման լիագումար նիստերի շրջանակում տեղի կունենան քննարկումներ հանրային կառավարման, կրթության և գիտության, բնական ռեսուրսների ոլորտների զարգացման, կանաչ տնտեսության, կայուն էներգետիկ և ջրային քաղաքականության, ինչպես նաև կայուն զարգացման այլ ուղղությունների վերաբերյալ: