Ս.թ. ապրիլի 26-ին Հայաստանի Հանրապետությունում Ուկրաինայի դեսպանատան դիվանագետները մասնակցեցին միջոցառումներին կապված Չեռնոբիլի ողբերգության 28-րդ տարեդարձի, կազմակերպված ՀԿ «Հայաստանի «Չեռնոբիլ» ասոցիացիա»-յի կողմից:

Ի հիշատակ զոհերի և վիրավորների՝ Մալաթիա-Սեբաստիա համայնքում գտնվող Սուրբ Երրորդություն եկեղեցում կատարվեց հիշատակման արարողություն, որից հետո արարողության մասնակիցները մոտեցան եկեղեցու բակում տեղադրված՝ Չեռնոբիլի ԱԷԿ-ի և միջուկային այլ աղետների հետևանքով տուժածների և զոհերի հիշատակին նվիրված հուշաքարին: Ծաղիկներ և ծաղկեպսակներ դնելուց հետո տեղի ունեցավ միջոցառում նվիրված Չեռնոբիլի ԱԷԿ-ի վթարի 28-ամյա տարելիցին:

Միջոցառումներին հրավիրված էին նաև Ուկրաինայի դեսպանատան աշխատակիցներ և Չեռնոբիլի ԱԷԿ-ի վթարի վերացման մասնակիցներ: Միջոցառման հայ մասնակիցները և Չեռնոբիլի աղետի տուժածները փորձեցին իրենց խնդիրներով կիսվել դեսպանատան աշխատակիցների հետ:

Ծաղիկներ և ծաղկեպսակներ դնելուց հետո տեղի ունեցավ միջոցառում, որտեղ Հայաստանի Հանրապետությունում Ուկրաինայի դեսպանատան խորհրդական Ի.Ռոմանը երախտագիտություն հայտնեց Չեռնոբիլի աղետի հետևանքով տուժածներին և կոչ արեց հիշել  իրենց ռազմական և քաղաքացիական հերոսությունը:

Հիշեցնենք, որ Չեռնոբիլի ատոմակայանի աղետի հետևանքները վերացնելու աշխատանքներին մասնակցել է մոտ 3000 հայ, որոնցից գրեթե կեսը մահացել են:

Միջոցառմանը մասնակցում էին նաև Հայաստանի Հանրապետությունում Ռուսաստանի Դաշնության և Բելառուսի դեսպանատան աշխատակիցներ: